原住民的問題一直存在佇這个不公平的社會，佇上位的彼寡人總是共in 的睭看佇利益也閣有金錢的秤仔頂懸，tue一爿較重，就用in身軀頂的一个叫做權力的金幣閣有所有的下層勞工的血汗，換著in內心無底的慾望。
嘈嘈滴嘈嘈滴，彼是原住民的心咧流血；嘈嘈滴嘈嘈滴，彼是原住民的目睭咧流目屎。
佇平地上蹛著一群袂記得家已的名的族群，毋但是家已的名，閣有in的文化、歷史佮團結的情感。我想這已經毋是簡單的問題，是一个台灣島頂懸上嚴重的問題--一个族群的消失。
台灣島頂懸原本e彼群人，是你嘛？是我嘛？是日本人嘛？猶是是外省人？
咱倒轉斡頭看，這个美麗之島FORMOSA的主人是啥人咧？是原住民，是因為皮膚黑予人用捌種眼光看的原住民，是因為不識華文予人用特別的教育的原住民，是因為佇勞力下層作穡e原住民。規个世界攏咧改變，改變的是人的心，改變的是人的感受，孤一个無改變的是逐家的目睭閣是盲目的，無改變的是逐家對原住民的『刻板印象』。
我捌看過一个戲劇，伊問真擠人仝款一個問題，這个問題是定定看著，
是問講一公斤的棉花佮一公斤的鐵a tue一个較重咧?原住民會回答棉花，因為佇原住民的目睭內棉花是較多的，這嘛是咧諷刺，原住民佇逐家的印象內是天真閣無用頭殼的。這是種好的代誌嗎?愛乎in的是克虧的同情眼光抑是一个完整的尊重。
一个赤裼裼的樹林，兩塊寫有『山地保留地』的牌仔，一群袂記得家己祖先的人，無數的原住民的靈魂咧哮。in袂記得祖先教in的禮數，嘛失去了原本歸孰佇in的樹林，只因為一張白白的紙一聲口令，上位e彼寡人總是安呢。in著佮美國的烏人仝款，因為產業結構的改變，愛面對失業也閣有散赤的問題，當然社會的問題麻也出現ah。
佇原本的部落因為較少的作穡機會，所以攏下山找頭路，閣因為經濟無好，袂當找著好的所在蹛，這一層一層的關係予in一直停佇原地。雖然講可能有幾那个出頭天的原住民，毋閣這麻是佔小部分爾爾。佇原住民咧找頭路的時陣，可能會因為動著古厝原先的相貌，阿咱的政府也無注意著，無顧著原住民的文化的特別性。
自按呢，原住民的生活習慣、往來模式佮文化攏予人破壞ah。閣長期受著漢人的歧視，原住民的發展麻受著真大的限制。
教育就是一切的開始，毋閣因為教育的資源麻是不足，原住民的教育水準麻連帶的袂當完整。佇作穡愛要求學歷的台灣，這是一个真大的不足。
政府這幾年來，開始注意著原住民的問題，開始幫in補助、協助in會使重新提著真正的權利。毋閣，親像是因為毋捌原住民的根本，無掠著上要緊的問題。
像阮身邊可能會有原住民的同學，in可能有用過考試加分的方法。
當時，我並毋知影為啥物in會使加分，因為原住民佮阮毋啥物無仝。有仝款的喙有仝款的目睭，孤一个無仝的，就是原住民的皮膚較烏按呢爾爾。我嘛感覺無啥公平，因為有一寡原住民的家庭，家境嘛是袂䆀的，in穿著名牌，看起來真風采。比較起來我感覺原住民親像較好額的款，並無親像我想的遐爾弱勢。彼陣，我佮我同學閣有佇彼討論講這種補助原住民的方案雖然會當予原住民較公平的，毋閣，我想並不是每一个原住民攏蹛佇足遠的山頂ah。有足濟的原住民同學攏已經搬遷到平地真久ah，生活的水準嘛已經佮普通漢人無啥物差別。所以我感覺政府嘛應該愛調查原住民是不是每一个攏需要去補助，反顛倒是和人感覺真無公平。
另外一項代誌就是，當時，阮一群人去參加巴斯達愛，就是賽夏族的矮靈祭，政府為著原住民會使有觀光的收入，嘛幫忙佇山跤有接駁車。會使予觀光客方便，嘛促進人想欲去的意願。上山了後，阮受著真熱情的歡迎，無偌久，祭典開始ah。聽著當地的原住民講起，in以前的情況並不是按呢，沒這呢濟燈火，沒這呢濟人，只有一片的星光來照in。伊閣共我講in是足歡迎阮的，這句話伊講足濟擺，聽的出來，對阮這群啥物攏不知的漢人，in是友善的，毋閣對in的祭典總是無了改，是有淡薄仔失禮。對一個文化的傳承，咱是毋是應該愛好好保存佮予in一个上高尚的尊重咧?